Lançohet në hapësirë anija kozmike ruse Soyuz
Anija kozmike ruse Soyuz TMA-20M me tre anëtarë të ri të ekuipazhit është nisur për në Stacionin Ndërkombëtar Hapësinor (ISS), lançimi i së cilës u bë nga baza hapësinore Baykonur në Kazakistan, transmeton Anadolu Agency (AA).
Agjencia ruse për hapësirën “Roskosmos” njoftoi se raketa e cila bart anijen kozmike është lançuar me sukses nga Kazakistani.
Ekuipazhi i anijes përbëhet nga kozmonauti amerikan Jeffrey Williams dhe rusët Aleksej Ovçinin dhe Oleg Skripoçka.
Pritet që anija kozmike të arrijë në Stacionin Ndërkombëtar Hapësinor gjashtë orë pas lançimit.