“Fiks Fare”: Ja si vidhet energjia elektrike
Një lokal në “Dritas”, Zall Herr, vjedh energjinë elektrike direkt nga shtylla. Për më tepër, lokali është në pronësi të Inspektorit të Ministrisë së Mjedisit, i cili gjithashtu mban edhe postin e kryeplakut të fshatit, njofton TCH.
“Fiks Fare” transmetoi mbrëmjen e së hënës pamjet, ku personi në fjalë e lidh energjinë rreth orës 19:00 të mbrëmjes në një shtyllë pranë lokalit të tij dhe e shkëput atë në orët e para të mengjesit.
Pronari i lokalit, njëherësh Inspektori i Ministrisë së Mjedisit, është filmuar 3 ditë me radhë teksa bën të njëjtin veprim duke e lidhur energjinë në shtyllën pranë lokalit.
