Policia kryen hetime në Muzeun e Maqedonisë
Policia sot po kryen hetime të detajuara në Muzeun e Maqedonisë.
Të punësuarve u është thënë se sot të shkojnë në shtëpi, sepse nuk do të mund të hynë në vendet e tyre të punës.
Në muze mungojnë gjithsej 166 artefakte nga depoja, tregoi regjistrimi final për vjedhje.
Nga MPB-ja paralajmëruan se të punësuarit në Muze do ti nënshtrohen poligrafit.
Informacionet e para tregonin se mungojnë 40 artefakte të cilat datojnë nga koha antike dhe periudha romake.
Policia beson se në vjedhje është i përfshirë ndonjëri nga punëtorët e Muzeut.
