Promovohet biografia e arkitektit të njohur shqiptar Karl Gega
Në Universitetin Shtetëror të Tetovës u promovua “Biografia e Karl Gegës” nga historiani austriak Ëolfgang Straub. Libri është përkthyer nga Shoqata mbarëkombëtare e Gjeodetëve shqiptarë ‘Karl Gega’.
Me këtë rast mirënjohje e posaçme për mbështetje iu dorëzua ambasadorit austriak në Maqedoni, E.T. Tomas Mihail Baer. Në këtë ngjarje morën ministri i ambientit, Abylaqim Ademi, Teuta Arifi, kryetare e komunës së Tetovës, Vullnet Ameti, rektor i universitetit shtetëror në Tetovë, Talat Xhaferi, ministër i Mbrojtjes dhe figura të tjera të shquara.
Fjalën përshëndetëse e pari ambasadori i Austrisë i cili foli për figurën e shquar të arkitektit me prejardhje shqiptare Karl Gega i cili e ka ndërtuar hekurudhën malore të parë në Evropë .
“Komuna e Tetovës është e interesuar për të përkrahur të gjithë ata që merren me shkencë dhe ne gjithmonë do të jemi në gjendje për të përkrahur të gjithë ata që marrin iniciativa të këtilla” tha kryetarja e Tetovës, Arifi.
Ndërsa përfaqësuesi i shoqatës të Gjeodetëve shqiptarë, Kujtim Xhila foli për jetën dhe veprimtarinë e arkitektit Gega.
“Karl Gega është nga Shqipëria e veriut dhe ai është projektues i një prej hekurudhës së parë malore në Evropë e cila është në mbrojte të UNESKO-s” tha Xhila.
Kjo ngjarje ishte një rast për promovimin e dytë me radhë të revistës shkencore praktike të gjeodetëve shqiptarë, të publikuar nga kjo Shoqatë.
