A erdhi Kerim të bëjë fushatë presidenciale në Tetovë?

Diplomati i njohur dhe njeri ndër pretendentët për t’u kandiduar në zgjedhjet parlamentare, i shoqëruar nga kryetarja e Komunës së Tetovës Teuta Arfi, ka qëndruar në Tetovë. Kerim ka dhënë një donacion prej 120 mijë denarë për shkollën fillore Istikball, pjesë e shpërblimit të marrë nga çmimi 11 tetori.

“Kur e morra shpërblimin e 11 tetorit, vendosa që mjetet ti dhurojë edhe atë në dy pjesë, njërën në Shtip dhe tjetrën në Tetovë, ku është lindur nëna ime. Them se Shkolla Istikball, është vendi i vërtetë sepse mësimi zhvillohet në shqip, maqedonisht dhe turqisht dhe këta fëmijë do të jenë ardhmëria e këtij shteti”, tha Kerim.

 “Ky gjest është në pajtueshmëri me politikat e komunës së Tetovës për bashkëpunim dhe zhvillim të procesit edukativo-arsimor dhe falënderoj diplomatin Sergjan Kerim për këtë donacion’, tha Arifi

Sergjan Kerim nuk ka dashur të komentojë nëse kjo vizitë e tij është pjesë e fillimit të kampanjës për garën presidenciale, si kandidat i përbashkët i koalicionit qeveritarë VMRO-BDI.

 “Nuk komentoj asgjë, sepse sot ndodhem në Tetovë për një ngjarje tjetër dhe as që kemi biseduar apo menduar për tema tjera”, tha Kerim për Portalb.