KEM: Disa mediume e kanë shkelur Kartën dhe Kodin Etik të Gazetarisë
Këshilli për Etikë në mediumet e Maqedonisë, pas rasteve të reja të informimit jo-profesional në disa mediume, përsëri u bën thirrje gazetarëve dhe redaktorëve që t’i largojnë praktikat e tyre në redaksitë e tyre dhe të aspirohen drejt informimit profesional dhe mbrojtjen e profesionit nëpërmjet, veçmas, duke i shërbyer interesit publik, njofton Portalb.
“Në vend që të joshen nga burimet e informacionit, është shqetësuese fuqia, komprometimi ose interesat vetjake. Shërbimi ndaj publikut nuk nënkupton plasimin të gjysmë të vërtetave, me vetëdije lëshimin e temave ose çështjeve të rëndësishme dhe bartje të pretendimeve të rrejshme për shkak të torturës morale ndaj individëve, grupeve apo institucioneve. Thjeshtë, informimi dhe informacionet e gabuara duhet të largohen, ndërkaq gabimet të përmirësohen”, thonë nga KEM.
Nga atje shtojnë se në Këshillin për Mediume kanë arritur rreth 50 reagime dhe ankesa për shkeljen e Kartës dhe Kodit Etik të Gazetarëve në media, ndërkaq mes tyre janë edhe për disa mediume nënshkruese të Kartës për raportim etik.
“I rikujtojmë gazetarët dhe redaktorët që t’i respektojnë parimet për informim profesional në bazë të asaj që janë në Kartën për informim etik, e cila është e nënshkruar nga shumica e mediumeve në shtet”, shtojnë nga KEM.
Përndryshe, ditë më parë në hapësirat e Infoqendrës së BE-së në Shkup, redaksia e lajmeve Portalb e nënshkruajti Kartën për raportim etik për zgjedhjet, të propozuar nga Këshilli për Etikë në Mediumet e Maqedonisë (KEMM).
Kartën në fjalë, e nënshkruajtën shumica e mediumeve më të mëdha të Maqedonisë, Alsat M, Kanal 5, Tv Sitel, Alfa Tv, etj.
Nënshkruesit e kësaj Karte u pajtuan se do t’u përmbahen parimeve të saj, dhe do të angazhohen në mënyrë aktive për afirmimin e etikës dhe profesionalizmit gjatë raportimit.
Kjo kartë parasheh që nënshkruesit t’u përmbahen këtyre parimeve:
Parimi i vërtetësisë dhe objektivitetit
- Që nënkupton kërkimin e të vërtetës dhe raportimin korrekt, përmes transmetimit të fakteve në mënyrë të qartë. Në rast të publikimit të informacioneve të pasakta, media do të bëjë çmos që t’i korrigjojë informacionet e tilla.
Parimi i ekuilibrimit
- Që nënkupton paraqitjen e qëndrimeve dhe pikëpamjeve të ndryshme në kontekstin e vërtetë dhe duke mos anuar nga cilido kandidat, parti a koalicion.
Parimi i dallueshmërisë së qartë midis informacioneve dhe komenteve
- Që nënkupton se informacionet do të formësohen në atë mënyrë që publiku do ta ketë të qartë dallimin midis fakteve, vlerësimeve e opinioneve.
Parimet e ndershmërisë dhe neutralitetit
- Që nënkupton se media do të përdorë qasje të ndershme në marrjen e informacioneve dhe në paraqitjen e tyre, duke shmangur paraqitje sensacionale të temave dhe ngjarjeve, si dhe të supozimeve të cilat do të mund ta mashtronin publikun.
Parimi i solidaritetit profesional Gjatë punës së saj, media do ta nxisë solidaritetin reciprok dhe pluralizmin e qëndrimeve, dhe nuk do të veprojë në atë mënyrë që do të nënkuptonte qërim hesapesh me mediat dhe kolegët tjerë.
Parimi i pavarësisë redaktuese dhe integritetit profesional
- Media detyrohet të raportojë në mënyrë të pavarur prej çfarëdo pikëpamjeve personale, interesave të jashtme dhe ndikimeve që do të mund ta rrënonin pavarësisë redaktuese dhe integritetin profesional.
Parimi i respektit dhe tolerancës
- Që nënkupton respektimin e dinjitetit, reputacionit, të drejtave dhe integritetit personal të individëve gjatë informimit të publikut. Në raportimin e saj, media nuk do të përdorë stereotipe, paragjykime dhe nënçmime në asnjë mënyrë dhe nuk do të përdorë gjuhën e urrejtjes.
Parimi i lirisë dhe përgjegjësisë
- Që nënkupton se liria ju imponon përgjegjësi mediave për formën dhe përmbajtjen e porosive që ua drejtojnë publikut, dhe për pasojat që rrjedhin prej tyre mbi mjedisin më të gjerë shoqëror.
