Kiracovski: Të shfuqizohet shitja e Shtëpisë së oficerëve në Manastir
Zëvendësministri plotësues i Shoqërisë Informatike dhe Administratë, Aleksandar Kiracovski ka njoftuar se deri te Qeveria ka parashtruar kërkesë që menjëherë të shfuqizohet vendimi i shpallur në Gazetën zyrtare për shitje të objektit të ARMsë në Manastir, i njohur si Shtëpia e oficerëve.
Kiracovski tha se ka kërkuar që Shtëpia e oficerëve t’i jepet për shfrytëzim Manastirit dhe banorëve të tij, si dhe të ndahen para nga Buxheti i RM-së për rikonstruimin e shtëpisë. Financat për atë dedikim do të kërkohen edhe nga komuna e Manastirit.
“Shtëpia e oficerëve Manastir ka status të përmendores së kulturës nga viti 1977, ka vlerë historike, vlera arkitektonike, ka vlerë të madhe për bashkësinë lokale të Manastirit dhe për Republikën e Maqedonisë”, tha Kiracovski.