Efektet e para të policëve me kamera në Shqipëri – kapet ryshfetdhënësi (Video)
Ministri i Brendshëm, Saimir Tahiri, ka postuar në Facebook videon nga kamera e trupit të policit që i bllokoi patentën avokatit për udhëtim me shpejtësi tej normave të lejuara.
Ai shkruan se avokati shantazhoi policin, dhe ky sipas tij është shembull i keq që duhet dënuar.
Ndërkaq, në një rast tjetër, Policia e Shtetit ka shpërndarë pamjet video të arrestimit të një drejtuesi automjeti në Tiranë, që tentoi të korruptonte policët në shërbim. I gjithë akti është filmuar nga kamerat e vendosura në uniformën e punonjësve të policisë. Këta të fundit e kanë ndaluar personin.
