Greqi, fundoset varka me emigrantë
Roja bregdetare greke rikuperoi trupat e pajetë të 12 personave në afërsi të ishullit të Levkadhës në ujërat e Detit Jon.
Trupat e pajetë të gjetura nga autoritetet greke u përkasin emigrantëve klandestinë që janë përpjekur që nëpërmjet rrugës detare të hyjnë në Greqi.
Dyshohet se ata kanë gjetur vdekjen pas mbytjes së varkës së tyre. Pesë janë emigrantët që i kanë shpëtuar tragjedisë, ndërkohë që kanë nisur kërkimet për gjetjen e personave të tjerë që dyshohet se kanë humbur jetën nga fundosja e varkës.
Mendohet se varka me emigrantë është nisur nga brigjet e Afrikës Veriore me destinacion ishujt grekë, me shumë gjasa Korfuzin.