Moratti: Interit i duhet Eder
Sulmuesi i Sampdoria Eder është përgjigja për problemet e Interit me gola, mendon ish presidenti i klubit Massimo Moratti.
Rrugëtimi i Interit drejt titullit të Serie A ka hasur në pengesa javëve të fundit, çka ka rezultuar në rënie në pozitën e katërt në tabelë, me vetëm një fitore në pesë ndeshjet e fundit.
Moratti, që u zëvendësua si pronar i Interit nga Erick Thohir në vitin 2013, beson se sulmuesi i Sampdorias do të ishte më produktiv për skuadrën se argjentinasi Lavezzi.
“Mendoj që problemi janë golat e pakët”.
“Kam përshtypjen se Eder është lojtari i duhur për Interin”.
“Mendoj se ai mund ta rrisë numrin e golave. Më shumë se Lavezzi madje”.
