Han përshëndet konkluzionet e opozitës, konfirmon vizitën në shkurt
Johanes Han përshëndeti qëndrimin e mbrëmshëm të LSDM-së për të vazhduar të jetë pjesë e qeverisë dhe për të vazhduar të kontribuojë në zgjidhje të krizës politike, njofton Alsat M.
Han kërkoi përshpejtim të punës me pastrimin e listës zgjedhore dhe paralajmëroi se do të qëndrojë në Maqedoni gjatë muajit shkurt, duke mos bërë të ditur saktë datën, por theksoi se do të vijë që ta inspektojë punën e përgatitjes së zgjedhjeve me KSHZ-në dhe komunitetin ndërkombëtar.
Në llogarinë e tij sociale, Han ka thënë se e mirëpret hapin e parë të opozitës për të qenë e përfshirë në zgjidhje të krizës dhe kërkoi nga qeveria që me urgjencë ti qaset çështjeve të mbetura të marrëveshjes politike, pastrimit të listës zgjedhore dhe reforma në media.