Projektet e planifikuara nga Buxheti i Komunës së Tetovës për vitin 2016
Të hyrat e përgjithshme të Buxhetit të Komunës së Tetovës për vitin 2016 janë 1.952.878.946 denarë, – këtë e mësojmë nga projekt-buxheti i Komunës së Tetovës për vitin 2016.
Portalb, ju sjell shifrat e mjeteve për disa nga projektet që janë planifikuar nga Buxheti i Komunës së Tetovës për vitin 2016.
Për zhvillimin ekonomik lokal shpenzimet e përgjithshme të planifikuara për vitin 2016 janë: 11.041.000 denarë.
Për kompensime sociale janë planifikuar 600.000 denarë.
Për punimet e planit gjeneral urbanistik janë planifikuar 49.500.000 denarë.
60.500.000 denarë janë planifikuar për ndërtimin e rrugëve në fshatra.
10.000.000 denarë janë të planifikuara për ndërtimin e kanalizimeve fekale dhe atmosferike.
Për ndërtimin dhe rekonstruimin e rrjetit të ndriçimit publik janë të planifikuara mjete financiare me vlerë prej 10.400.000 denarë.
Ndërsa për ndërtimin e hapësirave për parkim janë planifikuar 5.500.000 denarë.
3.900.000 denarë janë planifikuar për ndërtimin e deponive për hedhurina.
Në bazë të Programit për ndërtimin e kapaciteteve të ujësjellësit për vitin 2016 janë të planifikuara mjete financiare me vlerë prej 50.830.000 denarë.
Për ndërtimin dhe mirëmbajtjen e parqeve dhe gjelbërimeve janë planifikuar 9.000.000 denarë.
2.300.000 denarë janë të planifikuara për ndërtimin e mjeteve urbane.
Për manifestimet kulturore dhe krijuese janë të planifikuara 7.650.000 denarë.
Për dezinfektim dhe deratazim janë planifikuar të ndahen 1.580.000 denarë.
Ndërsa pjesa tjetër e mjeteve janë planifikuar për harxhime shtesë.
Ndryshe, Buxheti i Komunës së Tetovës u miratua ditën e martë (29.12.2015) në mbledhjen e 31-të të Këshillit komunal të Tetovës.
LEXO: Këshilli i Komunës së Tetovës e miratoi buxhetin për vitin 2016, ja se çfarë përmban