Lazio me Berishën asnjë humbje
Titullar i padiskutueshëm me kombëtaren kuqezi, ndërsa te Lazio është i detyruar të vuajë shumë për të blinduar portën bardhekaltër.
Edhe këtë vit, falë edhe problemeve fizike të Marchettit, Berisha po e shijon shpesh vendin e titullarit. 13 paraqitje gjatë 2015-ës nuk janë pak për një portier që normalisht duhet të qëndronte në stol.
Mirëpo Berisha është fatsjellës për Lazion. Një statistikë shumë e vecantë tregon se me të titullar, bardhekaltrit janë thuasje të pathyeshëm. Në 11 nga 13 ndeshje ku ai është aktivizuar, Lazio ka arritur të marrë pikë, pra ka shmangur humbjen.
