Fury kampion Bote, zbret nga froni Klitchkon

Boksieri britanik fitoi pas vendimit unanim të referëve, në një meç që zgjati plot 12 runde. Ai e shfrytëzoi një çarje që ia shkaktoi boksierit ukrainas në rundin e pestë, duke e mposhtur njërin prej boksierëve më të mirë të të gjitha kohëve.

27 vjeçari i fitoi titujt botërorë IBF, WBO e WBA. Klitschko, 39 vjeç, nga ana e tij, nuk kishte humbur në 11 vjetët e fundit, që nga knockout i pësuar nga Lamont Brewster në vitin 2004.

Fury ishte i pamposhtur në 24 meçet profesioniste dhe e regjistroi fitoren e 25-të. Kjo ishte hera e parë që Fury luftoi për titull të kampionit të botës dhe ia doli të fitonte. Ai qante duke festuar.