Bolivi, përmes Facebook-ut shet për 250 dollarë foshnjën
Në Bolivi janë arrestuar dy gra për shitjen e një foshnje gjashtëmuajshe nëpërmjet Facebook-ut, raporton Anadolu Agency (AA).
Zyrtarët bolivianë raportojnë se një nënë kishte shitur fëmijën e sajë gjashtëmuajshe përmes reklamave në Facebook për 250 dollarë, ku ajo edhe personi që e bleu fëmijën u arrestuar për dyshimet mbi veprën penale të trafikimit me qenie njerëzore. Zyrtarja e Zyrës për Mbrojtjen e Fëmijëve në Santa Cruz, Rosy Valencia tha se fëmija u ble nga një 18 vjeçare, dhe se ajo donte ta përdorte atë si argument ndaj burrit të saj që e kishte braktisur.
Burri i saj kishte njoftuar policinë për këtë rast, pas së cilës së bashku me të u arrestua edhe nëna e foshnjës. Nënë e foshnjës (32) tha se kishte vendosur të shesë fëmijën për të paguar shpenzimet e lindjes.