Përfaqësues të Kishës Ortodokse vizitojnë Myftinin e Dibrës me rastin e Kurban Bajramit
Përfaqësuesve të Kishës ortodokse kanë vizituar e Dibrës me rastin e Kurban Bajramit, urimet dhe vizitat e ndërsjella janë traditë shekullore në qytetin e Dibrës me rastin e festave të shumta islame dhe krishtere.
Me këtë rast imami Orhan Zengo duke falënderuar këtë gjest tha : ,”Ardhja e përfaqësuesve të kishës ortodokse është respekt dhe mirënjohje për besimtarët islam, ky festim në Dibër është një argument i fortë për bashkëjetesën ndër fetare dhe ndërnacionale, është fryma më e fuqishme dhe jep një apel për qytetet e tjera të cilat mund të marrin një mësim nga ky qytet i vogël si Dibra,, nënvizoi Zengo.
Sipas tij, bashkëjetesa nder fetare dhe ndërnacionale vjen nga respekti për njëri tjetrin , dashuria ndaj njëri tjetrit dhe nga të drejtat e barabarta . Nëse një shoqëri do të donte të jetonte në mirëqenie dhe të bëhej një shoqëri me prosperitet nuk do ta arrinte këtë nëse nuk respektohet feja dhe njeriu, theksoi Zengo.
Ndërkaq i pari i Kishës Ortodokse në Dibër, Bllagoja Spirovski duke uruar festën e Kurban Bajramit gjithë besimtarëve islam potencoi se , “Dita e Kurban Bajramit është dita e paqes, solidaritet, dita e bashkimit të të gjithë njerëzve, pa dallim feje dhe nacionaliteti. Prania jonë në Myftini është shembull për shtetin, për vendin tonë. Bbashkëjetesa jonë secilën ditë shtohet dhe zhvillohet, dashuria ndaj njëri tjetrit është e madhe dhe kjo ndodh vetëm në Dibër. Dëshiroj që ne të parët e Shtëpive të Zotit, të xhamive dhe kishave, të jemi shembull për gjeneratat e reja, të kontribuojmë për respektin mes etniteteve në jetën e përditshme , mirëkuptimin tone, sepse jemi një familje e madhe dhe e do të mbetemi përherë unik”.
Kryetari I komunës së Dibrës Ruzhdi Lata gjatë këtij takimi nënvizoi : “Festa e Kurban Bajramit festohet përherë bashkë, mes Myftinisë, Kishës dhe pushtetit vendor. Kjo është traditë dibrane shëmbëlltyrë që duhet të respektohet gjithkund dhe njëherë e përgjithmonë duhet të vetëdijesohemi dhe të marrim shembull te vendet e tjera që festojnë bashkërisht festat islame dhe krishtere, si në Dizelldorf, Hamburg,NJu Xherzi, Bruklin, Staten-Island, në Vienë dhe gjithkund në botë. Kjo do të thotë se nëse verbalisht mendojmë shkuarjen në Evropë, ne në Dibër si Komunë dhe bashkësi fetare këta norma I kemi realizuar por edhe i kemi traditë dibrane, tha Lata. Në Dibër ka shqiptarë, maqedonas, turq etj por ajo që është artribut i yni është se ne i njohim të gjithë si qytetar të këtij qyteti, pa marrë parasysh përkatësinë fetare dhe nacionale”.