Maqedoni, pullat e reja postare me imazhet e Ali pashë Tepelenës dhe Ibrahim Temos

Në shenjë të manifestimeve me rastin e Festës së Flamurit Shqiptar, Instituti i Trashëgimisë Shpirtërore e Kulturore të Shqiptarëve (ITSHKSH) në Shkup, sot do të organizojë dy ngjarje të rëndësishme.

Në bashkëpunim me Postën e Maqedonisë, do të promovojë pullat e reja postare me dy figurat e shquara të historisë sonë kombëtare, Ali pashë Tepelena dhe Dr. Ibrahim Temo.

Në promovim do të flasin drejtuesit e këtyre dy institucioneve dhe historianë, si dhe do të shpërndahen pullat e reja postare.

Gjithashtu në bashkëpunim me Institutin e Historisë së Tiranës, sot do të bëhet promovimi i librit të autorit Hamit Kokalari: “SHKUPI – Konsiderata etnografike, historike, ekonomike – (1942)”,  i përgatitur për botim nga Akademik Marenglen Verli.

Në promovim do të flasin drejtuesit e këtyre dy institucioneve dhe recensentët.