Donacion prej tre mijë euro për Shtëpinë për fëmijë pa prindër “11 Tetori”

Ndihmë në të holla në vlerë prej 3.000 euro sot iu nda Shtëpisë për fëmijë pa prindër “11 Tetori” në kuadër të aksionit humanitar “Nënat miratuan” i cili u zhvillua gjatë periudhës së kaluar. 

Në kuadër të aksionit të iniciativës së Argetës, nënat-pjesëmarëse propozuan organizatë humanitare, e prezantuan zgjedhjen e tyre në Internet, ndërsa opinioni i Maqedonisë me numër më të madh votash e shpërbleu IP Shtëpia për fëmijë pa prindër “11 Tetori”, me ç’rast e fitoi donacionin prej 3.000 euro. 

Aksioni humanitar i bashkoi 18-të nënat nga Maqedonia, Sllovenia, Kroacia, Bosnja e Hercegovina dhe Kosova. Midis tyre ishin edhe tre organizatat humanitare nga Maqedonia nga të cilat Shtëpia për fëmijë pa prindër fitoi më shumë vota përmes faqes së fejsbukut dhe e fitoi donacionin. 
Nebojsha Jakimoski, drejtor për shitje në Argeta, deklaroi se Shtëpia do të gjejë mënyrën më të mirë që t’i shpenzojë mjetet. 

Duke u falënderuar për donacionin, udhëheqësja e shërbimi edukativ në Shtëpinë për fëmijë “11 Tetori”, Vera Petrovska tha se në institucion si ai i tyre ku përkujdesen për fëmijë çdoherë ka nevojë t’i plotësojnë nevojat e fëmijëve. 

Maja Boshkovska, nënë nga Maqedonia dhe pjesëmarrëse në aksion, tha se për të është kënaqësi që propozimi i saj i organizatës për donacion është zgjedhur.