Irlandë, rënie e lartë e papunësisë

Statistikat qeveritare në Irlandë njoftuan se niveli i papunësisë është ulur në minimum në shtatë vjeçarin e fundit dhe arrin në 8.9 përqind, si rezultat i rritjes së fuqishme të vendeve të reja të punës në shumicën e sektorëve, sidomos në ndërtimtari, raporton Anadolu Agency (AA).

Joan Burton, zëvendëskryeministri i Republikës së Irlandës të martën përshëndeti shifrat të cilat tregojnë rënie të lartë të papunësisë nga sa pritej. Në shtator shkalla e papunësisë ishte 9.1 përqind.

Në Irlandë, shkalla e papunësisë arriti kulmin në 15.1 përqind në vitin 2012, por rritja ekonomike prej atëherë në mënyrë dramatike kërceu si rezultat i ndihmës ndërkombëtare që mori Irlanda.

Burton tha se vendi është kthyer me shpejtësi në drejtimin e duhur. Irlanda ka planifikuar të shpenzojë 2.8 miliardë euro në ndërtimin e shkollave, e cila do të jetë një tjetër lloj për nxitjen e sektorit të ndërtimit.