Ilaçi më i mirë kundër ftohjes dhe temperaturës
Ilaçi më i mirë kundër ftohjes dhe temperaturës së lartë trupore është pushimi, këshillon revista gjermane për shëndetësi Naturartz.
Meqë marrja e medikamenteve për uljen e temperaturës subjektivisht mund ta përmirësojë situatën, pacientët shpesh ndihen më mirë, prandaj ngrihen nga shtrati dhe vazhdojnë me aktivitetet e përditshme, dhe nuk pushojnë sa duhet, transmeton Koha.net. Temperatura e lartë është e rëndësishme në luftën kundër infeksionit.
Që trupi të marrë sa më shumë vitamina dhe produkte bimore sekondare – kimikate mbrojtëse të prodhuara nga bimët, që kanë veti shëruese për njerëzit, rekomandohen shumë fruta dhe perime.
Dy bimët çudibërëse për pengimin e viruseve dhe të baktereve dhe për forcimin e sistemit imunitar janë rrika dhe qepa.
