Shahpaska: Todorov të jep dorëheqje!
Në seancën e sotme parlamentare, LSDM ka kërkuar dorëheqjen e ministrit të Shëndetësisë Nikolla Todorov. Reagimi i tyre vjen pas rastit të sotëm, ku u plagos një mjek në Kirurgjinë Abdominale në Shkup nga një qytetar i pakënaqur.
“Ministri duhet të jep dorëheqje. Foshnje kanë humbur jetën, sot është gjuajtur një mjek. Gruevski dhe Todorov nuk mund t’i mbrojnë pacientët, nuk po ndërtojnë siguri. Gjendja është rezultat i politikave të dështuara të Todorovit dhe Gruevskit. Kërkojmë dorëheqjen e Todorovit, menjëherë”, Kërkoi deputetja e LSDM-së Jagoda Shahpaska, raporton Portalb.