Tregimi i paverifikuar, i transmetuar si e vërtetë e pakontestueshme
[Recension: Nikolla Todorovi dha dorëheqje, ky është ministri i ri!]
Ky artikull e dezinformon publikun se ministri për shëndetësi e lëshon funksionin, ndërsa atë do ta zëvendësojë një deputet nga radhët e partisë në pushtet. Dhe këtë e bën që në titull, ku thotë se: “Nikolla Todorovi dha dorëheqje, ky është ministri i ri!”, që më vonë u tregua si e pasaktë.
Linku deri te artikulli origjinal: Nikolla Todorovi dha dorëheqje, ky është ministri i ri!
Data dhe koha e publikimit: 26.10.2015, 13:11
Data e recensionit: 27.10.2015
Recensuese: Оlivera Vojnovska
INFORMATË E PASAKTË
Për çka në fakt bëhet fjalë?
Теksti i referohet një medieje tjetër – ka edhe link, mirëpo problemi qëndron në atë se nuk e verifikon lajmin. Mbështetet vetëm në (dez)informatat deri te të cilat ka ardhur portali, i cili, shfrytëzon burime jozyrtare dhe anonime. Në fakt, ueb-faqja, prej ku është marrë lajmi, në bazë të asaj që e kanë thënë “burime të larta partiake”, të cilat nuk janë emërtuar, thonë se uikendin e kaluar (24-25 tetor) në VMRO-DPMNE ka pasur një zënkë dramatike brendapartiake. Në të cilën kryeministri Gruevski, gjoja, i ka thënë Todorovit:
…të hënën t’i mbledhë gjërat e tij dhe të largohet nga ministria”.
…dhe se ministri i ri për shëndetësi do të jetë deputeti i deritanishëm i VMRO-DPMNE-së, Romeo Trenov.
Teksti i ofruar nuk ofron dëshmi për pretendimet e këtilla. Por vetëm spekulon.
Poashtu, si mbështetje të tregimit që e thurr, përmend kopje të një dokumenti zyrtar “dorëheqjen e Romeo Trebovit, e cila gjatë uikendit ka arritur në Kuvend”. Mirëpo, deputeti i përmendur e ka dorëzuar dorëheqjen për shkak të marrjes së një funksioni krejtësisht tjetër – “anëtar i pavarur i Këshillit të drejtorëve të shoqërisë së sapoformuar aksionale “Vodostopanstvo””
Маteriali që e recensojmë, as që është përpjekur ta verifikojë gjithë tregimin, por e ka transmetuar si të vërtetë të pakontestueshme. Edhe pse, doli se në pyetje është informatë e pasaktë.
Veprim joprofesional që është në kundërshtim me standardet etike të gazetarisë të cilat parashohin që:
“Saktësia e informatës duhet të verifikohet sa më shumë që është e mundur”. (amandamenti i parë i Kodit të gazetarëve)
