Një orë reshje shiu, bllokon rrugët e Durrësit
Vetëm një orë reshje shiu mjaftoi për të përmbytur rrugët kryesore të Durrësit. Reshjet shkaktuan një kaos në qarkullimin e mjeteve dhe pamundësuan lëvizjen e këmbësorëve.
Uji ka bllokuar rrugët në bllokun e pallateve pranë stadiumit “Niko Dovana”, pranë stacionit hekurudhor edhe në zonën e Vollgës.
Ndërtimet pa kriter kanë sjellë dëmtimin në masë të rrjetit të kanalizimeve, ndërsa pasojat tashmë bien mbi qytetarët e thjeshtë.
Problematike është situata edhe në zona të ndryshme të ish-Kënetës. Dëmet e shkaktuara nga këto përmbytje kanë qenë të konsiderueshme, kryesisht në katet e para të banesave dhe të bizneseve.
