Penko i shpall “luftë” Komunës së Butelit dhe MASH-it!
Drejtoria dhe mësimdhënësit e Shkollës Fillore “Petar Zdravkovski Penko” akuzuan Ministrinë e Arsimit se po diskriminon nxënësit shqiptarë të kësaj shkolle, njofton Alsat M.
“Problemin e kemi me klasat e treta… janë dy paralele me nga 36 nxënës dhe njëra është me 37 nxënës. Kemi bërë kërkesa në Komunën e Butelit, komuna e ka aprovuar këtë, tash është çështja në Ministrinë e Arsimit, jemi në kontakt me MASH-in dhe besojë se së shpejti edhe kjo çështje do të zgjidhet”, tha Enis Memeti, drejtor i SH.F ‘Petar Zdravkovski Penko’.
Ndërkohë nga Ministria e Arsimit thonë se nuk kanë marrë kërkesë nga Komuna e Butelit për hapje të paraleleve shtesë në “Penko”.
Ligji për Arsim Fillor dhe të Mesëm është i prerë për sa i përket numrit të nxënësve, nga 24 deri në 34 nxënës. Paralelet mund të hapen me më pak se 24 nxënës, vetëm nëse ka pajtueshmëri nga themeluesi, që është komuna.
