Tenderi i OSHEE, qeveria u përgjigjet akuzave
Akuzave të Partisë Demokratike qeveria i është përgjigjur përmes portalit të transparencës.
Sipas saj i gjithë procesi i tenderit në fjalë është zhvilluar online, sipas të gjitha rregullave dhe procedurave që parashikon ligji.
Qeveria sqaron se kompanitë të cilat garuan në prokurim kanë qenë vetëm dy. Kompania e cila nuk arriti të shpallej fituese kishte mangësi që kishin të bënin me mungesën e licensës që kërkohej për realizimin e objektit; mungesën e autorizimeve nga prodhuesit për produkte specifike të domosdoshme për realizimin e objektit; dhe mosrealizimin e punëve të ngjashme mëparë.