Miku italian i shqiptarëve i tronditur: Krerët e turizmit te ju, kokëboshë!

I famshmi Lambrenedetto XVI, italiani që është bërë i njohur pasi e do dhe e reklamon jashtëzakonisht shumë Shqipërinë, ka lëshuar disa akuza të forta ndaj krerëve të turizmit shqiptar. Ai ka mbetur i shtangur nga gjendja e mjerueshme e stendëes së Shqipërisë në Milano me rastin e Expo 2015.

“Stenda e Shqipërisë në Expo një m** i madh, e turpshme dhe e pështirë, nuk ka asgjë!!!! Mbeta pa fjalë… I ftoj miqtë shqiptarë të mos kalojnë aty, që të mos tërbohen… Unë pyes veten se si e lejon qeveria shqiptare që t’i ikë nga duart një mundësi e tillë, ndërkohë që hedh në hale 50 milionë euro për ta reklamuar Shqipërinë në CNN në SHBA… Po këta kokëboshë nuk e dinë që duhet të synojnë turistët e Europës së vjetër, italianët dhe gjermanët në radhë të parë? Sa reklama për turizmin keni parë në televizion tek ju? Këta politikanët shqiptarë qenkan çmendur që të gjithë atje…”, – shkruante ai.

Në një tjetër postim nga Ksamili, Lambrenedetto, vijonte duke thënë: “Nëse Shqipëria do të ishte në duart e gjermanëve me vendet dhe ushqimin e shëndetshëm që kanë atje do të ishte vendi më i pasur në Europë dhe që të gjithë atje do të mund të jetonin vetëm me turizëm dhe do t’i thyenin në mes të gjithë (përfshi Italinë)”.