Lumenj droge nga Shqipëria: Kapet 3.5 ton në Itali
Një ditë pasi disa media ndërkombëtare shkruanin se Shqipëria e ka shpallur veten një vend pa hashash, ja ku vjen një lajm nga Italia.
Agjencia AGI shkruan se nga Shqipëria po vijnë lumenj me drogë.
I referohet një operacioni të quajtur Odisea, i zhvilluar në rajonin e Katanias në Siçili.
15 persona kanë rënë në pranga, ndërsa është sekuestruar një sasi prej 3.5 ton drogë, me një vlerë prej 70 milionë euro.
Shqiptarët e arrestuar janë Albert Shqau, 31 vjeç, Erion Muçaj, 34 vjeç, Ermir Baja, 46 vjeç, Jodian Shametaj, 25 vjeç, Gentian Hoxhaj, 35 vjeç, Fatjon Hoxhaj, 28 vjeç, Erson Zhuka, 31 vjeç.