Shkup, të martën protestë kundër çmimeve “astronomike” të ngrohjes qendrore
Të martën (më 21 korrik) në ora 18:30, të përjashtuarit nga Ngrohtorja e Shkupit do të mbajnë protestën e tyre të dytë të jashtëzakonshme. Kjo protestë do të mbahet në Kapishtec në sheshin e lojërave në katin e garazhës “Zebra”, njoftojnë protestuesit.
Protesta të tilla të jashtëzakonshme në verë, do të mbahen çdo të martë, por në vende të ndryshme. Protesta e ardhshme e tillë do të mbahet në Kisella Vodë.
Këto protesta të jashtëzakonshme kanë për qëllim ta njoftojnë publikun me shkaqet e vërteta të çmimeve “astronomike” dhe mbylljen masive të ngrohjeve qendrore. Me këtë rast do të paraqiten fakte konkrete dhe prova për krimin me ngrohjen qendrore. Pritet që pas protestës, protestuesit t’i thërrasin autorët e krimeve të dorëzohen tek autoritetet për ndjekje penale. /Portalb.mk