Kosova po tenton ta dërgojë KLMDNj-në te të burgosurit në Maqedoni
Kosova po tenton të dërgojë në vizitë tek të burgosurit në Maqedoni, disa përfaqësues të Këshillit për Mbrojtjen e të Drejtave dhe Lirive të Njeriut, të cilët pastaj pritet të japin një raport për gjendjen dhe trajtimin e tyre.
Lajmin e bëri të ditur kryetari i Kuvendit të Kosovës, Kadri Veseli, i cili tha se nga e premtja janë në kontakt edhe me autoritetet maqedone.
Ndërkohë, deputetja e PDK-së, Flora Brovina ka kërkuar që gjatë këtij kontakti, edhe Kryqit të Kuq të Kosovës t’i mundësohet të ketë qasje në Maqedoni.