Ambasada e SHBA-së: Dorëheqjet hap pozitiv drejt zgjidhjes së krizës
Ambasada e SHBA-së ka dal me qëndrim lidhur me dorëheqjet që i ofruan ministrja Jankullovska dhe ministri Janakievski si dhe drejtoriti i DSK-së, Sasho Mijallkov.
“Dorëheqjet e funksionarëve të lartë shtetëror janë hap pozitiv në zgjidhjen e krizës aktuale politike dhe për lëvizjen e Maqedonisë përpara. Siç kemi thënë kohë më parë, është me rëndësi që liderët në Maqedoni të bëjnë hetim për keqpërdorimet e mundshme të qeverisë dhe të ndërmarrin hapa për reformim të institucioneve demokratike në vend. Si mik dhe partner i Maqedonisë, Shtetet e Bashkuara janë të gatshëm të ndihmojnë në këtë proces”, kanë thënë nga Ambasada Amerikane në Maqedoni për NOVA.
