Gjashtë persona të lënduar nga aksidenti që u përfshi makina e liderit të LSDM, Zaev
Sot në mëngjes rreth orës 09:00 në kryqëzimin e rrugëve “Kliment Ohridski” dhe “Vëllazërim-Bashkimit” në Strumicë, ka ndodhur një aksident në mes të makinës “Fiat Punto” me targa të Shtipit, drejtuar nga V.M. (25) nga Radovishi dhe makina e tipit “Audi” me targa të Shkupit, i drejtuar nga K.A. (58) nga Strumica.
Sipas MPB-së, në aksident janë lënduar shoferi i Fiat Puntos V.M dhe dy bashkëudhëtarët S.GJ (25) dhe Z.M (32), të gjithë nga Radovishi dhe në makinën Audi u pësuan plagë të lehta J.A. (53), D.K. (61) dhe R.K. (66), të gjitha nga Strumica.
Të gjithë të plagosurit janë dërguar në Qendrën Mjekësore në Strumicë.
Policia po punon në zgjidhjen e plotë të rastit.