Mot me diell dhe me vranësira mesatare
Moti në Maqedoni do të jetë me diell dhe më i ngrohtë, me vranësira të vogla deri në mesatare. Do të fryjë erë e dobët deri në mesatare nga drejtimi jugor. Temperatura e mëngjesit do të lëvizë prej minus dy deri në gjashtë, ndërsa e ditës prej 16 deri në 23 gradë Celsius.
Në Shkup moti do të jetë me diell dhe më i ngrohtë, me vranësira të vogla lokale dhe me erë të dobët nga drejtimi juglindor. Temperatura e mëngjesit do të ulet deri në tre, ndërsa e ditës do të ngjitet në 21 gradë Celsius.
Deri të dielën pason periudhë e motit kryesisht stabil dhe më të ngrohtë. Të premten drejt të shtunës vranësirat do të rriten dhe të shtunën do të ketë shi të dobët lokal.