Lista serbe, pas takimit të Brukselit

Data 4 shtator është afati i fundit ligjor deri kur subjektet e interesuara politike duhet ta përmbyllin procedurën e regjistrimit dhe certifikohen për pjesëmarrje në zgjedhjet lokale të 3 nëntorit.

Aktualisht, opinioni vendës dhe ai ndërkombëtar presin ta shohin se si dhe në çfarë forme do të organizohen subjektet politike në komunat veriore të banuara me shumicë serbe, marrë parasysh se këto janë zgjedhjet e para për të cilat Beogradi në kuadër të dialogut me Prishtinën është pajtuar që edhe këto komuna të përfshihen në procesin elektoral, shkruan gazeta Tribuna.

Ajo që tashmë dihet dhe është publike, në këto zgjedhje Beogradi do të përgatisë një listë në formë të iniciativës qytetare e cila do të mëtojë të përfaqësojë të gjithë serbët e komunave të Kosovës, në veri, jug e qendër.