Jabllanoviq: Kërkova falje, s`mund të them diçka tjetër

Ministri për Kthim Aleksandar Jabllanoviq, ka komentuar shkurt thirrjet për protesta kundër tij. Ai në një prononcim për transmetuesin publik, ka thënë se kërkimfalja publike e tij, është e mjaftueshme.

“Kam kërkuar falje dhe s’mund të them diçka tjetër”, ka thënë Jabllanoviq.

Për shkarkimin e Jabllanoviqit po vazhdojnë të mbahen protesta në shumë qytete të Kosovës, ku qytetarët po kerkojnë nga kryeministri i Kosovës, Isa Mustafa që të shkarkojë ministrin e kthimit, pas ofendimeve që ky i fundit u kishte bërë nënave gjakovare, duke i quajtur egërsira. Këto protesta janë paralajmëruar të mbahen edhe me datën 24 në mënyrë masive, të cilat janë përkrahur nga partitë opozitare në vend.