Rifillojnë protestat në Hong Kong, arrestohen 37 persona

Pas pastrimit të shesheve disa ditë më parë, në Hong Kong arrestohen edhe 37 protestues të cilët ishin mbledhur përsëri në rajonin Mong Kok, raporton Anadolu Agency (AA).

Në deklaratën e publikuar sot nga policia u njoftua se janë arrestuar 37 persona të moshave të ndryshme nga 13 deri në 76 vjeç ku 11 prej tyre janë femra. Në njoftim u theksua se protestuesit në rajonin Mog Kok bllokuan 5 rrugë dhe nuk i janë bindur urdhrit të policisë për mos bllokimin e rrugëve.

Gjithashtu ditën e djeshme u arrestuan edhe 12 persona të cilët ishin mbledhur po në të njëjtin rajon dhe mbanin në duar çadrat e verdha të cilat janë bërë një simbol i protestave anti-qeveritare.

Në protestat dhe në ngjarjet e zhvilluara që nga 28 shtatori e deri tani janë plagosur 518 persona. Që nga fillimi i protestave dhe deri tani afërsisht 1000 persona janë arrestuar nga policia.