LSDM: Qytetarët 240 ditë kanë thithur ajër të ndotur

“Sa duhet të paguajnë qytetarët për ajër të pastër ose deri kur qytetarë e Maqedonisë do të paguajnë me shëndetin e tyre?”, pyesin nga LSDM.

“A ju kujtohet kur në Qendër, në afërsi të sheshit kishte një stacion për matjen e ndotjes? Si pjesë e projektit “Shkupi po merr frymë” të kryetarit Koce Trajanovski, shkupjanët duheshe të shohin se si është gjendja me ndotjen. Por kështu do të shihnin se më shumë se 240 ditë qytetarët kanë thithur ajër të ndotur më shumë se e lejuara. Dhe kështu qeveria e hoqi. E paguan me paratë tona dhe me shëndetin tonë kur e hoqën”, thonë nga LSDM.

Sipas LSDM-së, në Tetovë qytetarët 293 ditë kanë thithur ajër të ndotur.