Meta: Nuk kemi diskutuar me Ramën për Guvernatorin
Paraditen e sotme, kreu i Kuvendit të Shqipërisë, Ilir Meta ka deklaruar se për çështjen e Guvernatorit të ri nuk është diskutuar me kryeministrin Rama.
Meta sot zhvilloi një takim me kreun e qeverisë në Kryeministri, ndërsa ka mohuar se është diskutuar për Guvernatorin e ri dhe propozimin e Presidentit Bujar Nishani. “Nuk kemi diskutuar me z. Rama për Guvernatorin. Zgjedhja për kreun e ri të Bankës së Shqipërisë do të bëhet sipas Kushtetutës”, tha Ilir Meta.