Dnevnik: Sulejman Rexhepi po bën “shqiptarizimin e BFI-së”

95 për qind e strukturës dhe funksioneve të Bashkësisë Islame kontrollohen nga shqiptarë myslimanë, dhe vetëm 5 për qind nga myslimanët e bashkësive të tjera etnike, shkruan e përditshmja Dnevnik. Nga kjo gazetë akuzojnë kreun Sulejman ef. Rexhepi për “shqiptarizimin e Bashkësisë Fetare Islame”.

“Dnevnik” analizon se si të gjithë krerët e BFI-së, drejtuesit e institucioneve arsimore fetare, krerët e shoqatave dhe myftinjtë janë thuajse që të gjithë shqiptarë.

Për të qenë akuzat më të qëndrueshme, gazeta përcjell deklaratat e përfaqësuesve të komunitetit turk dhe boshnjak.

Kryetari i Partisë Lëvizja e Turqve në Maqedoni Adnan Qahil thotë se nuk është i kënaqur nga përfaqësimi i turqve në Bashkësinë Islame dhe po kështu shprehet edhe Ismail Bojda, kryetari i goranëve të Kosovës, që në këtë shkrim cilësohen si “maqedonas myslimanë”.

“Kuadrot shqiptare janë më të përfaqësuarit në qendrën e BFI-së – shefi i kabinetit të Reisit, zëdhënësi i BFI-së, përgjegjësi për pronën e vakëfit, shoferi i Reisit, arkëtari dhe sigurimi janë që të gjithë maqedonas. Përjashtim bëjnë vetëm të punësuarit e Sektorit të Financave dhe të Sektorit për Marrëdhënie me Botën Arabe, ku është i punësuari një arab. Thuajse identike është edhe situata në strukturat më të ulëta të Fakultetit të Shkencave Islame, si dhe të Medresesë”, shkruan “Dnevnik”.