Shqiptarët në Serbi, pakica më e diskriminuar në Evropë

Shqiptarët në Preshevë, Bujanoc dhe aq më shumë në Medvegjë, për sa i përket realizimit të objektivave të tyre dhe nivelit të të drejtave të njeriut, vazhdojnë të mbeten në pozitën më të palakmueshme.

Kjo ngase diskriminimi shtetëror serb po ia mohon të drejtat më elementare, të cilat janë të garantuara nga konventa të shumta për të drejtat e njeriut, nënshkruese e të cilave është edhe Serbia.

Deputeti shqiptar në Parlamentin e Serbisë, Riza Halimi mendon se shqiptarët e Luginës janë shumë larg realizimit të të drejtave të tyre.

Përfaqësuesi i Këshillit për të Drejtat e Njeriut të Luginës, Enkel Rexhepi vlerëson se në një ose mënyrë tjetër diskriminimin po e ndihmojnë edhe politikanët shqiptarë të Luginës.

Ndërkaq, deklaratat e kryeministrit shqiptarë, Edi Rama, deputeti Halimi i sheh si shpresëdhënëse, ndërkohë që ai mendon se spektri politik i këtushëm duhet të jetë shumë aktiv.

Shqiptarët në Serbi megjithë pjesëmarrjen aktive në çdo nivel të institucioneve shtetërore, vazhdojnë të mbeten pakica më e diskriminuar në Ballkan e Evropë, transmeton rtklive.