Klasika e Seria A, sonte derbi Roma – Inter

Një tjetër klasike do të luhet sot në 20:45 në Serie A, ku skuadrat e Romës dhe Interit do të sfidojnë njëra–tjetrën në “Olimpico” të kryeqytetit italian, me dy përballjet e fundit ndërmjet tyre në këtë stadium që janë mbyllur në barazim.

Goli i pësuar në sekondat e fundit në “Arena Khimki” uli ndjeshëm entuziazmin në kampin verdhekuq, ndërkaq Roberto Mancini pasi riktheu besimin në gjirin e skuadrës, gjë që u duk qartë edhe në “derbin e Madoninnas” i rikthehet rivalitetit të egër me klubin roman.