Përurohet shkolla në Sllupçan, që u rinovua nga Ambasada e Japonisë
Ministri i Arsimit dhe Shkencës mr. Abdilaqim Ademi, së bashku me kryetarin e komunës së Likovës, Sadulla Duraku, sot vizituan shkollën fillore “ Faik Konica” në fshatin Sllupçan, që u rekonstruua me grantin e Ambasadës së Japonisë në Republikën e Maqedonisë.
Bashkëpunimi në mes Komunës së Likovës dhe Ambasadës së Japonisë në Republikën e Maqedonisë, ka kontribuuar që nxënësit e Shkollës Fillore “ Faik Konica” në Sllupçan të ndjekin mësimin në klasa të reja moderne, të pajisura me materiale bashkëkohore, që do të Ju ndihmojë në procesin edukativo-arsimor, deklaroi Ministri Ademi, duke potencuar që Komuna e Likovës është një nga të rrallat në vend, që përmes donacioneve në territorin e saj arriti të sigurojë rikonstruimin e objektit shkollor.
Shpresoj që shembullin e Komunës së Likovës të ndjekin edhe komunat tjera dhe në mënyrë të pavarur të arrijnë përmirësimin e kushteve në shkollë, me çka do t’ua përafrojnë standardet evropiane dhe bashkëkohore nxënësve të tyre, theksoi Ministri për Arsim dhe Shkencë, mr Abdilaqim Ademi.