QMBN: Në Maqedoni korrupsioni gllabëron miliona euro në vit

Zyrtarët shtetërorë janë të korruptuar, mes tyre, doganierët, gjykatësit dhe mjekët, tregojnë rezultatet e raportit për vlerësimin e korrupsionit në Maqedoni përgatitur nga Qendra Maqedonase për Bashkëpunim Ndërkombëtarë. Raporti I përgatitur në kuadër të programit të USAID për luftën kundër korrupsionit  u prezantua sot në forumin “Politikat për antikorrupsion” në Shkup.

Emina Nuredinovska, nga QMBN,  thotë se në Maqedoni korrupsioni është në vendin e pestë si problem i qytetarëve, pas papunësisë, varfërisë, pagave të ulëta dhe çmimeve të larta. Simulimi i bërë sa i përket asaj se sa kushton ryshfeti, sipas bashkësisë së biznesit, ajo arrin në vlerën prej 64 milion euro në vit. Kjo vlerë është 0.85 për qind e prodhimit bruto vendor, sipas të të dhënave të vitit 2012. Ndihmës ministri i punëve të brendshme, Ivo Kotevski, tha se lufta kundër korrupsionit dhe kriminalitetit të organizuar kanë qenë dhe janë prioritetet kryesore të udhëheqjes aktuale të MPB.