Shkëndija 4 javë pa brazilianin Junior

Sulmuesi brazilian i Shkëndijës, Stenio Junior do të qëndrojë rreth 4 javë jashta tereneve sportive si pasojë e një dëmtimi në muskulin e këmbës.

Sulmuesi tani më një kohë ankohet në dhimbje të muskulit dhe ekipi mjekësor i Shkëndijës ka kërkuar analiza të detajuara, të cilat kanë diagnostifikuar lëndim pak më serioz. Në muskulin e Juniorit është formuar një hematom, i cili kërkon trajtim më profesional dhe të kujdesshëm si dhe pushim të reptë nga seancat stërvitore.

Braziliani tani më ka nisur terapinë dhe pritet që faza e rekuperimit të zgjasë prej 3 deri në 4 javë. Ekipi mjekësor planifikon që vetëm pas shërimit të plotë, të japë dritë të gjelbërt që Junior kthehet në skuadër dhe të nisë më seancat stërvitore.