Rrënojat e murit të Kalasë së Tetovës ende qëndrojnë të shkapërderdhura (FOTO)
Ka një vit që nga shembja e murit të vjetër 200 vite në hyrje të Kalasë së Tetovës dhe rrënojat e tij ende janë të shkapërderdhura gjithandej.
Institucionet përkatëse nuk kanë ndërmarrë asgjë për ta sanuar këtë mur, vetëm janë pastruar gurët që e bllokonin rrugën.
Muri para se të shembej gjatë kohë ishte mbështetur furkaçe të drunjta pa asnjë kujdes tjetër.
“Mungojnë mjetet për tu ndërmarrë masa. Mungojnë projektet për restaurim po ashtu dhe mungesa e mjeshtërve ka bërë që të mbetet në këtë gjendje dhe të mos mund të sanohet një mur i tillë monumental që qëndroi kështu mbi 200 vjet”, tha Luljeta Abazi, përfaqësuese e Muzeut të Tetovës.
Gjendja e tij mbetet e pandryshuar edhe sot.
Ministria e kulturës nisi projekt për të ruajtur Kalanë e Tetovës që në vitin 2008, por muri që shembet dita-ditës nuk ishte prioritet./Portalb