Etnon dhe Lyrical Son, së shpejti videoklipi
Reperët veteranë të skenës së hip hopit shqiptar, Etnon, kanë realizuar një bashkëpunim me një prej top reperëve të skenës, Lyrical Son.
Lajmin e ka konfirmuar Genc Prelvukaj në faqen e tij private në Facebook, ku ka shkruar se kënga mbaroi dje regjistrimin dhe se javën e ardhshme xhirohet videoklipi.
Videoklipi i kësaj kënge pritet të lansohet në shtator, teksa ky nuk është i fundit projekt nga Etnon, që edhe në nëntor do të publikojnë një tjetër projekt, mësojnë burimet e Telegrafit pranë Genc Prelvukajt.
Ky është rikthim i fuqishëm i Etnon në skenën e hip hopit, pasi që ka kohë që ata nuk kanë prodhuar muzikë – e që shihet po ashtu se nuk e kanë ndërmend ta lënë atë. /Telegrafi/