Banka Botërore i ndan Maqedonisë 36.4 milionë euro

Maqedonia sot në llogari të buxhetit mori 36.4 milionë euro nga huaja për politikat zhvillimore për konkurrencë të financuar nga Banka Botërore, kumtoi Ministria e Financave.

Republika e Maqedonisë i mori këto mjete për zbatim të suksesshëm të reformave dhe politikave zhvillimore të Qeverisë për përmirësimin e klimës zyrtare dhe të konkurrencës. Reforma më të vlefshme të përkrahura me këtë hua janë: zhvillimi i prodhimtarisë me vlerë të lartë të shtuar përmes tërheqjes së investimeve, lehtësimin e rikuperimit të sektorit bujqësor, përmirësimin e efikasitetit të këmbimit tregtar me vendet e huaja, fleksibilitet më i madh i tregut të punës dhe zhvillim të shkathtësive dhe inovacioneve, citohet në kumtesë.

Kjo hua është vazhdim i huas së parë programore për politika zhvillimore për konkurrencë në vlerë prej 38.7 milionë eurove nga viti 2013. Ashtu siç qëndron në kumtesë, dhënia e huasë së dytë është vërtetim për besimin e Bankës Botërore në kualitetin e politikave ekonomike në Republikën e Maqedonisë.
Mbajtja e stabilitetit makroekonomik dhe zbatimi i vazhdueshëm i masave të reformave nga ana e Qeverisë të drejtuara nga rritja e investimeve, punësimi dhe konkurrenca e ekonomisë së Maqedonisë, shtojnë, në kontinentet pozitivisht janë vlerësuar nga Banka Botërore që rezulton me përkrahjen e tyre financiare.