Strasburgu i bën testin gjyqësisë së Maqedonisë
Tre segmente të rëndësishme nga funksionimi i shtetit ligjor në Maqedoni: Feja dhe diskriminimi, Lustrimi dhe gjyqësia – në muajt e ardhshëm do të vendosen në test para Gjyqit evropian për të drejtat e njeriut në Strasburg, shkruan “Utrinski Vesnik”.
Pritet që gjyqi të deklarohet për rastin Vranishkovski si dhe për lëndën për lustrim që ka dorëzuar ish kryetari i Gjykatës kushtetuese, Trendafil Ivanovski, po dhe për sistemin e shkarkimit para Këshillit gjyqësorë që kanë ngritur disa ish gjykatës maqedonas, mes të cilëve edhe gjykatësja e Apelit Violeta Duma dhe kryetari i Gjykatës së Apelit në Shkup, Jordan Mitrinovski.
Agjenti qeveritarë që përfaqëson Maqedoninë në Gjykatën në Strasburg, Kostadin Bogdanov për “Utrinski” shpjegon se lëndët e fundit të dorëzuara për përgjigje nga Strasburgu, dhe të cilat gjenden në fazën finale, “mund të grupohen në tre grupe të lëndëve”.
Grupi i parë i lëndëve, siç thotë ai, ka të bëjë me praktikën e pabarazisë gjyqësore nëpër të katërt gjyqet e Apelit, ku gjyqet faktikisht në gjendje të njëjtë, ndryshe kanë përdorur materialet e drejtësisë, madje edhe deri në nivel të vendime të ndryshme diametrale.
“Në atë linjë është edhe vendimi i Stoilkovskës kundër Republikës së Maqedonisë, ndërsa kemi edhe disa lëndë për t’i shqyrtuar. Problemi posaçërisht pasi që është hequr ilaç juridik – kërkesë për mbrojtje të ligjshmërisë në Ligjin për procedurë të rasteve gjyqësore, kështu që për momentin nuk kemi mekanizëm që do të barazonte praktikën gjyqësore”, thekson Bogdanov.