Ivanov: Kontestimi i legjitimitetit të presidentit, papërgjegjësi e BDI-së
Deklaratat e fundit të një pjese të udhëheqësisë së BDI-së me pranimin e institucionit të Presidentit, ndërsa kontestim i legjitimitetit të presidentit, Ivanov I ka vlerësuar si ide po aq të paqarta sa që ishte edhe ideja për presidentin konsenzual.
“Edhe krahas thirrjes së BDI-së për bojkot, një pjesë e qytetarëve të etnitetit shqiptar dolën në zgjedhjet presidenciale dhe dhanë votën e tyre për mua. Koncept i cili u pa se si kaloi në zgjedhje dhe çka thanë qytetarët për të. Thirrja për bojkot në zgjedhjet presidenciale nga ana e BDI-së krijoi pasqyrë të gabuar në opinion për marrëdhëniet ndëretnike”, ka thënë më tej në bisedën për “Dnevnik”, Ivanov, duke shtuar se Kushtetuta e obligon të përfaqësoj Maqedoninë si shtet sovran dhe të përfaqësoj të gjithë qytetarët e vendit.
“Çdo herë them se nevojitet që të gjithë qytetarët e Maqedonisë të ndërtojnë modelin maqedonas të bashkëjetesës”, thekson Ivanov. Ai ka thënë se Këshilli do të mbajë seancën konstitutive, ndërsa emërimi i anëtarëve do të reflektojë përbërjen e popullsisë në pajtueshmëri me Kushtetutën e vendit. Të bojkotoni zgjedhjet presidenciale, dhe tani publikisht të kërkoni funksione dhe të bëni pazare për çështje të interesit vital të shtetit, më së paku është sjellje e papërgjegjshme, nënçmim i kapacitetit demokratik të vendit. Por siç është edhe në jetë, ashtu është edhe në politikë. Kur hyni në lojë të huaj, lehtë nuk mund të dilni.”, ka deklaruar Gjorgje Ivanov.