Këshilli organizativ: Vazhdojnë protestat për rastin “Monstra”

Këshilli organizativ kundër rastit ”Monstra” përmes një kumtese për media njofton për protestën e radhës e cila do të mbahet nesër (e premte) nga ora 13.45 , në vedntakimin e njëjtë- para kompleksit “Çairçanja”.
Sipas Këshillit, rasti i gjykimit të 6 qytetarëvenga 3 vite burg dëshmon edhe një herë që kjo qeveri dëshiron ta ngulfat zërin e lirë të qytetarit, zë ky i garantuar me ligjet vendore dhe ndërkombëtare.

“Prandaj, ne Këshilli Organizativ dhe Koordinues publikisht e ftojmë kryetarin e BDI-së Ali Ahmeti që me kryesinë e tij ta shqyrtojnë pozicionin e tyre në këtë qeveri maqedonase, kryekëput antishqiptare si dhe të dalin në ballë të protestave e të jenë me popullin e vet , popull i cili çdo ditë po dënohet dhe po ofendohet nga qeveria.
Po ashtu ftojmë edhe udhëheqësit e partive tjera politike shqiptare BDI, PDSH, RDK, si dhe kryetarët e komunave shqiptare, hoxhallarët,intelektualët, dhe të gjithë shqiptarët paqedashës, që ditën e premte të jenë pjesë e protestës mbarëkombëtare, sepse më nuk janë vetëm familjarët tanë ata për të cilët duhet ngritur zëri, por ky numër fatkeqësisht çdo ditë po shtohet”, thuhet në komunikatën e Këshillit koordinues kundër “Monstrës”.