Protesta në Tiranë, “Shkupi është zemra e Shqipërisë”
Në përkrahje të protestave të shqiptarëve të Maqedonisë, për rastin “Monstra”, sot me fillim në orën 18 është zhvilluar një protestë në Tiranë.
Një grup qytetarësh kanë marshuar bulevardit kryesor të qytetit, duke mbajtur pankartat dhe brohoritur “jemi një” dhe “Shkupi është zemra e Shqipërisë”.
Në mesin e protestuesve, ishte edhe “Tajsoni shqiptar”, Nuri Seferi i mbështjellë me flamurin kuq e zi dhe humoristi i njohur Bes Kallaku.
Nuri Seferi kishte ardhur në Tiranë enkas për të përkrahur protestën. Për Portalb, ai deklaroi se,” maqedonasit duhet ta dinë se shqiptarët e Maqedonisë nuk janë vetëm një milion, por pas tyre qëndrojnë 9 milion shqiptarë. Jemi mbledhur këtu në Tiranë që të bëjmë apel dhe të lirohen të gjithë të burgosurit shqiptarë në Maqedoni, jo vetëm të dënuarit për rastin Monstra, por të gjithë të dënuarit e pafajshëm.
Qytetarët e tubuar më pas u larguan, pa shkuar para ambasadës së Maqedonisë ashtu sic kishin paralajmëruar.
Cool! Shkupi është zemra e Bullgarisë, Serbisë, Greqisë, Shqipërisë dhe Maqedonisë! Shkupi është në zemër të Evropës! Go Skopje, go!